08.11.20    Avyakt Bapdada     Nepali Murli    01.10.87     Om Shanti     Madhuban


ईश्वरीय स्नेह– जीवन परिवर्तनको जग हो


आज स्नेहका सागर आफ्ना स्नेही बच्चाहरूसँग मिल्न आउनु भएको छ। बाबा र बच्चाहरूको स्नेहले विश्वलाई स्नेहको सूत्रमा बाँधिरहेको छ। जब स्नेहका सागर र स्नेह सम्पन्न नदीहरूको भेट हुन्छ, स्नेहले भरिएका नदीहरू पनि बाबा समान मास्टर स्नेहका सागर बन्छन् त्यसैले विश्वका आत्माहरू स्नेहको अनुभवले स्वत: नै समीप आउँदै गइरहेका छन्। पवित्र प्यार वा ईश्वरीय परिवारको प्यारले जतिसुकै अनजान आत्मा होस्, धेरै समयदेखि परिवारको प्यारबाट बञ्चित पत्थर समान आत्मा होस् तर यस्ता पत्थर समान आत्माहरू पनि ईश्वरीय परिवारको स्नेहले पग्लेर पानी बन्न पुग्छन्। यो हो ईश्वरीय परिवारको प्यारको कमाल। जतिसुकै स्वयंलाई छेउ लगाउन् तर ईश्वरीय प्यारले चुम्बक समान स्वत: नै समीप ल्याउँछ। यसलाई भनिन्छ– ईश्वरीय स्नेहको प्रत्यक्ष फल। जतिसुकै कसैले स्वयंलाई अलग मार्गको मानोस् तर ईश्वरीय स्नेहले सहयोगी बनाएर आपसमा एक भएर अगाडि बढ्ने सूत्रमा बाँधिदिन्छ। यस्तो अनुभव गर्यौ नि?

स्नेहले पहिला सहयोगी बनाउँछ र सहयोगी बनाउँदै बनाउँदै स्वत: नै समयमा सबैलाई सहजयोगी पनि बनाइदिन्छ। सहयोगी बन्ने निशानी हो– आज सहयोगी हुन्छन् भोलि सहजयोगी बन्छन्। ईश्वरीय स्नेह परिवर्तनको जग हो अथवा जीवन परिवर्तनको बीज स्वरूप हो। जुन आत्मामा ईश्वरीय स्नेहको अनुभूतिको बीज पर्छ त्यो बीजले सहयोगी बन्ने वृक्ष स्वत: नै पैदा गर्छ र समयमा सहजयोगी बन्ने फल पनि देखिन्छ किनकि परिवर्तनको बीजले फल अवश्य देखाउँछ। केवल कुनै फल चाँडो निस्कन्छन् कुनै समय आएपछि निस्कन्छन्। चारैतिर हेर तिमीहरू सबै मास्टर स्नेहका सागर, विश्व-सेवाधारी बच्चाहरूले कस्तो कार्य गरिरहेका छौ? विश्वमा ईश्वरीय परिवारको स्नेहको बीज लगाइरहेका छौ। जहाँ पनि जान्छौ– चाहे कोही नास्तिक होस् वा आस्तिक होस्, बाबालाई नजानेको पनि होला, नमान्ने पनि होला तर यति अवश्य अनुभव गर्ने छ– यस्तो ईश्वरीय परिवारको प्यार जुन तिमी शिववंशी ब्रह्माकुमार ब्रह्माकुमारीबाट मिल्यो त्यस्तो कहीं पनि मिल्दैन र यो पनि मान्छन्– यो स्नेह वा प्यार साधारण होइन, यो अलौकिक प्यार हो वा ईश्वरीय स्नेह हो। त्यसैले अप्रत्यक्ष्य रूपमा नास्तिकबाट आस्तिक भए नि। ईश्वरीय प्यार हो भने त्यो कहाँबाट आयो? किरणले सूर्यलाई स्वत: नै सिद्ध गर्छ। ईश्वरीय प्यार, अलौकिक स्नेह, नि:स्वार्थ स्नेहले स्वत: नै दाता बाबालाई सिद्ध गर्छ। इनडारेक्ट ईश्वरीय स्नेहको प्यारद्वारा स्नेहको सागर बाबासँग सम्बन्ध जोडिन्छ तर जानेका हुँदैनन् किनकि बीज पहिला गुप्त रहन्छ वृक्ष भए पछि स्पष्ट देखिन्छ। त्यसैले ईश्वरीय स्नेहको बीजले सबैलाई सहयोगी सो सहजयोगी, प्रत्यक्षरूपमा समय प्रमाण प्रत्यक्ष गरिरहेको छ र गरिरहने छ। त्यसैले सबैले यस्तो ईश्वरीय स्नेहको बीज लगाउने सेवा गर्यौ। सहयोगी बनाउने शुभ भावना र शुभ कामनाका विशेष दुई पात पनि प्रत्यक्ष देख्यौ। अब यो बिरुवाले वृद्धि प्राप्त गर्दै प्रत्यक्षफल देखाउने छ।

बापदादा सर्व बच्चाहरूको भिन्न-भिन्न प्रकारको सेवालाई देखेर हर्षित भइरहनु भएको छ। चाहे भाषण गर्ने बच्चा हुन्, चाहे स्थूल सेवा गर्ने बच्चा हुन्– सर्वको सहयोगको सेवाबाट सफलताको फल मिल्छ। चाहे सुरक्षा दिने हुन्, चाहे बर्तन सम्हाल गर्ने हुन् जसरी पाँच औँलाको सहयोगले जतिसुकै श्रेष्ठ कार्य, ठूलो कार्य पनि सहज हुन्छ त्यसैगरी हरेक ब्राह्मण बच्चाहरूको सहयोगले जति सोचिएको थियो– यस्तो होला भनेर त्यो सोचेभन्दा हजार गुणा धेरै सजिलै कार्य भयो। यो कसको कमाल हो? सबैको। जति पनि कार्यमा सहयोगी बने– चाहे सरसफाइ गरे, चाहे टेबल मेच सफा गरे तर सर्वको सहयोगको परिणाम यो सफलता हो। यो संगठनको शक्ति महान छ। बापदादाले देखिरहनु भएको थियो– केवल मधुबनमा आउने बच्चाहरू मात्र होइन, जो साकारमा पनि थिएनन् यस्ता चारैतिरका ब्राह्मण बच्चाहरूको, चाहे देश, चाहे विदेश सबैको मनको शुभ भावना र शुभ कामनाको सहयोग रह्यो। यो सर्व आत्माहरूको शुभ भावना, शुभ कामनाको किल्लाले आत्माहरूलाई परिवर्तन अवश्य गर्छ चाहे निमित्त शक्तिहरू हुन् अथवा पाण्डव हुन्। निमित्त सेवाधारी विशेष हरेक कार्यमा बन्छन् नै तर वायुमण्डलको किल्ला सर्वको सहयोगले नै बन्छ। निमित्त बनेका बच्चाहरूलाई पनि बापदादाले बधाई दिनुहुन्छ, तर सबैभन्दा धेरै बधाई सबै बच्चाहरूलाई। बाबालाई बच्चाहरूले के बधाई दिन्छौ किनकि बाबा त अव्यक्त हुनुभएको छ। व्यक्तमा त बच्चाहरूलाई निमित्त बनाउनु भयो त्यसैले बापदादाले सबै बच्चाहरूको गीत गाउनुहुन्छ। तिमीहरूले बाबाको गीत गाऊ र बाबाले तिम्रो गीत गाउनुहुन्छ।

जे पनि गर्यौ धेरै राम्रो गर्यौ। भाषण गर्नेहरूले भाषण राम्रो गर्यौ, मञ्च सजाउनेले मञ्च राम्रो सजायौ र विशेष योगयुक्त भोजन बनाउने, खुवाउने, सब्जी काट्नेहरू पनि थियौ। पहिलो सुरुवात त सागसब्जी काट्नु हो। सब्जी काटिएन भने भोजन कसरी बन्छ? सबै विभाग सर्व प्रकारको सेवाको लागि निमित्त बने। सुनाएँ नि– यदि सरसफाइ गर्नेले सरसफाइ नगरेको भए पनि प्रभाव पर्दैनथ्यो । हरेकको अनुहार ईश्वरीय स्नेह सम्पन्न नहुँदो हो त सेवाको सफलता कसरी हुन्थ्यो? सबैले जुन पनि कार्य गर्यौ, स्नेह भरेर गर्यौ त्यसैले तिनीहरूमा पनि स्नेहको बीज पर्यो। उमंग-उत्साहले गर्यौ, त्यसैले तिनीहरूमा पनि उमंग-उत्साह रह्यो। अनेकता भएर पनि स्नेहको सूत्रको कारणले सबैले एकताको नै कुरा गरिरहे। यो वायुमण्डलको छत्रछायाँको विशेषता हो। वायुमण्डल छत्रछायाँ बन्छ। त्यसैले छत्रछायाँ भित्र भएको कारणले जस्तो संस्कार भएका पनि स्नेहको प्रभावमा समाहित भएका थिए। बुझ्यौ? सबैलाई ठूलो भन्दा ठूलो जिम्मेवारी थियो। सबैले सेवा गरे। जतिसुकै तिनीहरूले अरू केही भन्न चाहे पनि भन्न सकेनन् वायुमण्डलको कारणले। मनले केही सोचे पनि मुखबाट निस्कन सकेन किनकि तिमीहरू सबैको जीवनको प्रत्यक्ष परिवर्तन देखेर तिनीहरूमा पनि परिवर्तनको प्रेरणा स्वत: नै आइरह्यो। प्रत्यक्ष प्रमाण देखे नि। शास्त्र प्रमाण भन्दा पनि सबैभन्दा ठूलो प्रत्यक्ष प्रमाण हो। प्रत्यक्ष प्रमाणको अगाडि अरू सबै प्रमाण ओझेलमा पर्छन्। यो रह्यो सेवाको परिणाम। अहिले पनि त्यही स्नेहको सहयोगको विशेषताले अझै समीप ल्याइरह्यौ भने अरू सहयोगमा अगाडि बढ्दै जानेछन्। फेरि पनि प्रत्यक्षताको आवाज बुलन्द तब हुनेछ जब सबै सत्ताहरूको सहयोग हुनेछ।

विशेष सर्व सत्ताहरू जब मिलेर एउटा आवाज बुलन्द गर्नेछन् तब नै प्रत्यक्षताको पर्दा विश्वको अगाडि खुल्ने छ। वर्तमान समयमा जुन सेवाको योजना बनायौ त्यो यसैको लागि बनाएका हौ नि– सबै वर्गका अर्थात् सत्ताका सम्पर्कमा, सहयोगमा आऊन्, स्नेहमा आऊन् र फेरि सम्बन्धमा आएर सहजयोगी बनुन्। यदि कुनै पनि सत्ता सहयोगमा आएनन् भने सर्वको सहयोगको जुन कार्य राखेका छौ, त्यो सफल कसरी हुन्छ?

अहिले जग बस्यो विशेष सत्ताको। धर्म सत्ता सबैभन्दा ठूलो सत्ता हो नि। त्यो विशेष सत्ताद्वारा जग आरम्भ भयो। स्नेहको प्रभाव देख्यौ नि। त्यसो त मानिसहरूले के भन्थे? यतिका सबैलाई एकैपटक कसरी बोलाइरहेका छौ? तिनीहरू पनि सोचेका सोचै भए नि। तर ईश्वरीय स्नेहको सूत्र एक थियो त्यसैले अनेकताको विचार भए तापनि सहयोगी बन्ने विचार एकै रह्यो। त्यसैगरी अब सर्व सत्तालाई सहयोगी बनाऊ। बनि पनि रहेका छन् तर अझै समीप, सहयोगी बनाउँदै जाऊ किनकि अहिले गोल्डन जुबली समाप्त भएको छ त्यसैले अहिलेबाटै प्रत्यक्षताको समीप आएका छौ। डायमण्ड जुबली अर्थात् प्रत्यक्षताको आवाज बुलन्द गर्नु। त्यसैले यो वर्षबाट प्रत्यक्षताको पर्दा अब खुल्न आरम्भ भएको छ। एकातर्फ विदेशद्वारा भारतमा प्रत्यक्षता भयो र अर्कोतर्फ निमित्त महामण्डलेश्वरद्वारा कार्यको श्रेष्ठताको सफलता भयो। विदेशमा यू. एन. का निमित्त बने। तिनीहरू पनि विशेष नाम चलेका भए र भारतमा पनि नाम चलेका धर्म सत्ता भए। त्यसैले धर्म सत्तावालाद्वारा धर्म-आत्माहरूको प्रत्यक्षता हुनु– यो हो प्रत्यक्षताको पर्दा खुल्न आरम्भ हुनु। भर्खर खुल्न आरम्भ भएको छ। अब खुल्नेवाला छ। पूरा खुलेको छैन, आरम्भ भएको छ। विदेशका बच्चाहरू जो यस कार्यको लागि निमित्त बने। यो पनि विशेष कार्य रह्यो। प्रत्यक्षताको विशेष कार्यमा यो कार्यको कारणले निमित्त बने। त्यसैले बापदादाले विदेशका बच्चाहरूलाई यो अन्तिम प्रत्यक्षताको हीरो पार्टमा निमित्त बनेकोमा सेवाको पनि विशेष बधाई दिइरहनु भएको छ। भारतमा हलचल त मच्चायौ नि। सबैको कानसम्म आवाज गयो। यो विदेशको बुलन्द आवाज भारतका कुम्भकरणहरूलाई जगाउन निमित्त त बन्यो। तर अहिले केवल आवाज गएको छ। अझै जगाउनु छ, उठाउनु छ। अहिले केवल कानसम्म आवाज पुगेको छ। सुतेकालाई यदि कानमा आवाज गयो भने अलिकति हल्लिन्छन् नि, हलचल त गर्छन् नि। त्यसैले हलचल पैदा भयो। हलचलमा थोरै जागेका छन्, सम्झिन थालेका छन्– यिनीहरू पनि केही हुन् भन्ने। अझै जाग्नेछन् तब, जब जोडले आवाज गर्ने छौ। अहिले पनि थोरै जोडले भयो। यसरी नै कमाल तब हुनेछ जब सबै सत्ताकाले एकसाथ मञ्चमा स्नेह मिलन गर्ने छन्। सबै सत्ताका आत्माहरूद्वारा ईश्वरीय कार्यको प्रत्यक्षता जब आरम्भ हुन्छ, तब प्रत्यक्षताको पर्दा पूरा खुल्ने छ। त्यसैले अहिले जुन कार्यक्रम बनाइरहेका छौ, त्यसमा यो लक्ष्य राख्नु– सबै सत्ताहरूको स्नेह मिलन होस्। सबै वर्गको स्नेह मिलन त हुन सक्छ। साधारण साधुहरूलाई बोलाएको भए कुनै ठूलो कुरा थिएन तर अहिले महामण्डलेश्वर बोलायौ नि। त्यसो त शंकराचार्य भएको भए पनि यो संगठनमा अझै शोभा हुने थियो। तर अब उनको पनि भाग्य खुल्ने छ। भित्रबाट त फेरि पनि सहयोगी छन्। बच्चाहरूले मेहनत पनि राम्रो गर्यौ। तर फेरि पनि लोकलाज त राख्नु पर्ने हुन्छ। त्यो दिन पनि आउने छ जब सबै सत्ताकाले मिलेर भन्ने छन्– श्रेष्ठ सत्ता, ईश्वरीय सत्ता, आध्यात्मिक सत्ता छ भने त्यो एक परमात्म-सत्ता नै हो त्यसैले लामो समयको योजना बनाएका छौ नि। यतिका समय त्यसैले मिलेको हो, जसबाट सबैलाई स्नेहको सूत्रमा बाँधेर समीप ल्याउन सकियोस्। यो स्नेह चुम्बक बन्ने छ जसले सबैलाई एकसाथ संगठित रूपमा बाबाको मञ्चमा पुर्याउने छ। यस्तो योजना बनाएका छौ नि? अच्छा।

सेवाधारीहरूलाई सेवाको प्रत्यक्षफल पनि मिल्यो। नत्र अहिले पालो नयाँ बच्चाहरूको हो नि। तिमीहरू त मिलन मनाउँदा-मनाउँदा अब वानप्रस्थ अवस्थामा पुगेका छौ। अब आफ्ना साना भाइ-बहिनीहरूलाई पालो दिनु छ। स्वयं वानप्रस्थी बन्यौ त्यसैले अरूलाई मौका दिनु छ। इच्छा त सबैको बढ्दै नै जान्छ। सबैले भन्छन्– अहिले पनि मिल्ने मौका पाउनु पर्छ। जति मिल्छौ त्यति अझ इच्छा बढ्दै जान्छ। फेरि के गर्छौ? अरूलाई मौका दिनु पनि स्वयंले तृप्तिको अनुभव गर्नु हो किनकि पुराना त अनुभवी छौ, प्राप्ति स्वरूप छौ। त्यसैले तिमी प्राप्ति-स्वरूप आत्माहरू सबै माथि शुभ भावना राख्ने र अरूलाई पनि अगाडि राख्नेवाला हुनु छ। अथवा सम्झन्छौ– पहिला म त मिलौँ! यसमा पनि नि:स्वार्थ बन्नु छ। समझदार छौ। आदि, मध्य, अन्त्यलाई जान्नेवाला हौ। समयलाई पनि जानेका छौ। प्रकृतिको प्रभावलाई पनि जानेका छौ। पार्टलाई पनि जानेका छौ। बापदादा पनि सदा नै बच्चाहरूसँग मिल्न चाहनुहुन्छ। यदि बच्चाले मिल्न चाहन्छन् भने त्यो भन्दा पहिला बाबाले चाहनु हुन्छ त्यसैले त बच्चाहरूले पनि चाहेका हुन्। तर बाबाले पनि समयलाई, प्रकृतिलाई पनि हेर्नु पर्ने हुन्छ नि। जब यो दुनियाँमा आउनु हुन्छ तब दुनियाँको सबै कुरालाई हेर्नु पर्छ। जब यहाँ भन्दा टाढा अव्यक्त वतनमा हुन्छौँ तब त्यहाँ त पानीको, समयको, रहने स्थान आदिको समस्या नै हुँदैन। गुजरातका समीप रहेका छन्। त्यसैले यसको पनि फल मिलेको छ नि। यो पनि गुजरातवालाको विशेषता हो, सदैव तयार रहन्छन्। हुन्छ हजुरको पाठ पक्का छ र जहाँ रहने स्थान मिल्छ त्यहीँ रहन्छन्। हरेक परिस्थितिमा पनि खुसी रहने विशेषता छ। गुजरातमा वृद्धि पनि राम्रो भएको छ। सेवाको उमंग-उत्साहले स्वयंलाई पनि निर्विघ्न बनाउँछ र अरूलाई पनि कल्याण गर्छ। सेवाभावको पनि सफलता छ। सेवाभावमा यदि अहम् भाव आयो भने त्यसलाई सेवाभाव भनिँदैन। सेवाभावले सफलता दिलाउँछ। अहम् भाव यदि मिसिन्छ भने मेहेनत पनि धेरै, समय पनि धेरै र फेरि स्वयंलाई पनि सन्तुष्टि हुँदैन। सेवाभाव भएका बच्चाहरू सदा स्वयं पनि अगाडि बढ्छन् र अरूलाई पनि अगाडि बढाउँछन् र सदा उड्तीकलाको अनुभव गर्छन्। राम्रो हिम्मत भएका हुन्छन्। जहाँ हिम्मत हुन्छ त्यहाँ बापदादा पनि हर समय कार्यमा मदतगार हुनुहुन्छ।

महारथी त हुन्छन् नै महादानी। जति पनि महारथी सेवामा आएका छौ, महादानी वरदानी छौ नि? अरूलाई मौका दिनु– यो पनि महादान वरदान हो। जस्तो समय, त्यस्तै पार्ट खेल्नमा पनि सबै सिकीलधे बच्चाहरू सदा नै सहयोगी रहेका छौ र रहन्छौ। इच्छा त हुन्छ किनकि यो शुभ इच्छा हो। तर यसलाई समाहित गर्न पनि जानेका छौ त्यसैले सबै सदा सन्तुष्ट छौ।

बापदादा पनि चाहनुहुन्छ– एक-एक बच्चाहरूसँग मिलन मनाऊँ, समयको सीमा पनि नहोस्। तर तिम्रो दुनियाँमा यी सबै सीमाहरू हेर्नु पर्ने हुन्छ। नत्र एक-एक विशेष रत्नहरूको महिमा यदि गाउनु पर्यो भने कत्ति धेरै छ। कम्तीमा एक-एक बच्चाको विशेषताको एक-एक गीत त बनाउन सकिन्छ। त्यसैले भन्छु– वतनमा आउ जहाँ कुनै सीमा छैन। अच्छा।

सदा ईश्वरीय स्नेहमा समाहित हुने, सदा हर सेकेण्ड सर्वको सहयोगी बन्ने, सदा प्रत्यक्षताको पर्दाद्वारा बाबालाई विश्वको अगाडि प्रत्यक्ष गर्ने, सदा सर्व आत्माहरूलाई प्रत्यक्ष प्रमाण-स्वरूप बनेर आकर्षित गर्ने, सदा बाबा र सर्वको हरेक कार्यमा सहयोगी बनेर एकको नाम प्रसिद्ध गर्ने– यस्ता विश्वका इष्ट बच्चाहरूलाई, विश्वका विशेष बच्चाहरूलाई बापदादाको अति स्नेह सम्पन्न याद-प्यार। साथ-साथै देश-विदेशका स्नेहले बाबाको सामुन्ने पुगेका सबै समीप बच्चाहरूलाई सेवाको बधाईको साथ-साथै बापदादाको विशेष याद-प्यार।

वरदान:–
ज्ञानीको विशेषताद्वारा संस्कारको टक्करबाट बच्ने कमल पुष्प समान न्यारा वा साक्षी भव

संस्कार त अन्त्यसम्म कसैको दासीको हुन्छ, कसैको राजाको। संस्कार बदलियोस् यसको प्रतीक्षा नगर। तर ममाथि कसैको प्रभाव नपरोस् किनकि एक त हरेकको संस्कार भिन्न छ, अर्को मायाको रूप पनि बनेर आउँछन् त्यसैले कुनै पनि कुराको फैसला मर्यादाको रेखा भित्र रहेर गर। भिन्न-भिन्न संस्कार भएता पनि टक्कर नहोस् यसको लागि ज्ञानी बनेर कमल पुष्प समान न्यारा वा साक्षी बन।

स्लोगन:–
हठ वा मेहनत गर्नुको साटो रमणीकताले पुरुषार्थ गर।