29.11.20 Avyakt Bapdada
Sinhala
Murli 23.01.87 Om Shanti Madhuban
සාර්ථකත්වයේ
තාරකාවන්ගේ විශේෂතා.
අද දින, ඥාන සූර්යයා
සහ ඥාන චන්ද්‍රයා, ඔවුන්ගේ දිදුලන මන්දාකිණිය දකිනවා. ඒවා අහසේ තාරකා වන අතර මේවා
පොළවේ තාරකාය. එම තාරකා සොබාදහමේ කොටසක් වන අතර මේවා දේවමය තාරකාය, ආධ්‍යාත්මික
තාරකාය. ඒ තාරකා රාත්‍රියේ මතු වන අතර මේ ආධ්‍යාත්මික තාරකා, ඥානයේ තාරකා, දිදුලන
තාරකා, මතු වන්නේ බ්‍රහ්මාගේ රාත්‍රියේය. ඒ තාරකා, රාත්‍රිය, දහවලට හරවන්නේ නැත
රැය, දහවල බවට හරවන්නේ සූර්යයා පමණයි කෙසේවෙතත්, ඔය තාරකා ඥාන සූර්යයාගේ සහ ඥාන
චන්ද්‍රයාගේ සහකරුවන් වී, රැය, දහවල බවට හරවයි. භෞතික මන්දාකිණියේ ඔබට බොහෝ
මාදිලියේ තරු දිදුලන බව දිස්වන සේම, පරමාත්ම දෙවියන්ගේ මන්දාකිණියේද බොහෝ විවිධ
මාදිලියේ තරු දිදුලන අයුරු දැකිය හැක. සමහරු, සමීප තරු වන අතර අනෙක් අය දුර ඇති
තරුය. සමහරු සාර්ථකත්වයේ තරු වන අතර තවත් අය බලාපොරොත්තුවේ තරුය. සමහරු එක් මනෝ
ස්ථීතියක් පවත්වා ගන්නා අතර අනෙක් අයට වෙනස් වෙමින් පවතින ස්ථීතියක් තිබේ. ඒ තාරකා
ඒවායේ පිහිටීම වෙනස් කරන අතර මෙහි ඔවුන් වෙනස් කරන්නේ ඔවුන්ගේ මනෝ ස්ථීතියයි. භෞතික
මන්දාකිණියක - වල්ගා තරු තිබෙන සේම - මෙහිදීද සෑම කාර්යයකදීම ප්‍රශ්නාර්ථ ලකුණු වල
වලිගයක් ඇති තාරකා සිටියි ’මේ ඇයි? මේ මොකක්ද?’ වල්ගා තරු, පෘථීවිය මත ’බරට’
(බලවත්) බලපෑමක් ඇති කරන බව පවසන සේම, නිරන්තරයෙන් එකම ප්‍රශ්න අසන අයද බ්‍රහ්මණ
පවුලේ වාතාවරණය බරින් වැඩි කරයි. ඔබ සියලු දෙනාටම මේ ගැන අත්දැකීම් තිබේ. තමන් ගැන
’ඇයි?’ හෝ ’කුමක්ද?’ පිළිබඳව, ඔබගේ සිතිවිලි වල වලිගයක් ඇති විට, තමන්ගේ ස්ථීතිය,
එනම්, ඔබගේ මනසේ සහ බුද්ධියේ ස්ථීතිය බරින් වැඩි වෙයි. ඒ සමඟම, සමූහයක් තුළ හෝ
සේවයේ ඕනෑම කාර්යයකදි ’ඇයි? මොකක්ද? ඒ වගේ නොවෙයි, මේ වගෙයි,’ යන ප්‍රශ්නාර්ථ ලකුණු
වල වලිගයක් තිබේ නම්, එවිට සමූහයේ වාතාවරණය හෝ සේවා ක‍්ෂේත්‍රය සැනෙකින් බරින් වැඩි
වෙයි. එබැවින් එය සැනෙකින් තමන්ට, සමූහයට සහ සේවයට බලපෑමක් ඇති කරයි. අහසේ සමහර
තාරකා අහසින් බිමට වැටෙයි, එවිට ඔවුන් කුමක් බවට පත් වෙයිද? ගල් බවට. දේවමය තරුද,
ඔවුන්ගේ විශ්වාසයේ උසස් ස්ථීතියෙන්, සම්බන්ධතා වලින් සහ පෞද්ගලික ධාරණාවෙන් පහළට
පැමිණි විට, ඔවුන් ගල් බුද්ධි ඇති අය බවට පත් වෙයි. ඔවුන් ගල් බුද්ධි ඇති අය බවට
පත් වන්නේ කෙසේද? ගලක් මතට කෙතරම් ජලය දැම්මත් ගල දිය වන්නේ නැත එහි ස්වරූපය වෙනස්
වෙයි, නමුත් එය දිය වන්නේ නැත. ගලකට කිසිවක් උරා ගැනීමට නොහැක. ඒ ආකාරයෙන්ම, ඔවුන්
ගල් බුද්ධි ඇති අය බවට පත් වන විට, ඔබ ඔවුන්ට යම් හොඳ දෙයක් අවබෝධ කර දීමට කෙතරම්
තැත් කළත්, ඔවුන්ට එය අවබෝධ කරගැනීමට නොහැකි වෙයි. ඔබ ඔවුන් මතට කෙතරම් ඥාන ජලය වත්
කළත්, ඔවුන් වෙනස් වන්නේ නැත. සිදුවීම් නොකඩවා වෙනස් වෙයි, නමුත් ඔවුන් වෙනස් වන්නේ
නැහැ. මෙය ගල් බුද්ධියක් ඇති කෙනෙක් බවට පත් වීම ලෙස හැඳින්වෙයි. එබැවින්, තමන්
ගෙන් විමසන්න මා, මෙම දේවමය මන්දාකිණියේ කෙබඳු වර්ගයේ තාරකාවක්ද?
වඩාත්ම ශ්‍රේෂ්ඨ
තාරකාවක් වන්නේ, සාර්ථකත්වයේ තරුවකි. සාර්ථකත්වයේ තාරකාවක් යනු, ස්ව-ප්‍රගතියේ
නොකඩවා සාර්ථකත්වය අත්දකින කෙනෙකි, එනම්, ඔහුගේ උත්සාහ දැරීමේ ක්‍රමවේදයෙන්, සෑම
විටම පහසුවෙන් සාර්ථකත්වය අත්විඳින කෙනෙකි. සාර්ථකත්වයේ තාරකාවන්ට කිසිම විටෙක
තමන්ගේ උත්සාහයන් ගැන මෙවන් සිතිවිලි ඇති නොවෙයි, ’මෙය වෙයිද, නොවෙයිද කියා මා
නොදනී,’ ’මට මෙය කිරීමට හැකි වෙයිද, නැද්ද?’ ඔවුන් සුළුවෙන්වත් අසාර්ථකත්වයක්
අත්විඳින්නේ නැත. ’සාර්ථකත්වය ඔබගේ ජන්ම උරුමයයි’ යන පාඨය තිබෙන සේම, ඔවුන්ද
සාර්ථකත්වය තමන්ටම ඇති අයිතියක් ලෙස අත්දකියි. අයිතියක් තිබීම, යන්නෙහි අර්ථ
දැක්වීම වන්නේ, ඔබ එය වෙහෙස නොවී සහ නොඉල්ලාම ලබාගැනීමය. ඔබ යමක් පහසුවෙන් සහ ඉබේටම
ලබා ගන්නා විට, එය අයිතියක් තිබීම ලෙස හැඳින්වෙයි. ඒ ආකාරයෙන්ම, එකක්, තමන්
වෙනුවෙන් සාර්ථකත්වය වන අතර අනෙක් සාර්ථකත්වය වන්නේ, අන් අය සමඟ සම්බන්ධතාවයකට සහ
නෑකමකට පැමිණෙන විටයි. ඔවුන් බ්‍රහ්මිණ් ජීවාත්ම වුවත්, ඔබගේ ලෞකික පවුලේ අය හෝ
ඔබගේ ලෞකික වෘත්තියේ සම්බන්ධතා ඇති අය වුවත්, ඔබගේ සියලුම නෑ සම්බන්ධතා වලදි,
සාර්ථකත්වයට අයිතියක් තිබීමේ පදනමට අනුව, යමක් කෙතරම් අපහසු වුණත්, ඔබ එය පහසු බව
අත්දකියි, එනම්, ඔබ නොකඩවා ප්‍රගතියක් ලබා සාර්ථක වෙයි. ඔව්, එයට කලක් ගත විය හැක,
නමුත් ඔබ අනිවාර්යෙන්ම සාර්ථකත්වයට අයිතියක් ලබයි. ඒ ආකාරයෙන්ම, භෞතික කාර්යයන්
වලදි හෝ අලෞකික සේවා කාර්යයන්හිදි, ඔවුන්ගේ ක්‍රියාවන්හි සාර්ථකත්වය ලබා ගන්නා බවට
විශ්වාසය, ඔවුන්ගේ බුද්ධිය තුළ තිබෙයි. ඇතැම් විට ඔවුන්ට සිදුවීම් වලට මුහුණ දීමට
සිදුවෙයි, ඔවුන්ට ඇතැම් මිනිසුන්ව ඉවසා දරා ගැනීමට පවා සිදුවෙයි, නමුත් එම දරා
ගැනීම, ඔවුන්ට දියුණු වීමට මාර්ගයක් වෙයි. සිදුවීම් වලට මුහුණ දීමෙන්, සිදුවීම
ඔවුන්ගේ ස්ථීතිය, පියාසර ස්ථීතියකට යෑමට මඟක් වෙයි, එනම්, ඔවුන් අනිවාර්යෙන්ම
පහසුවෙන් සහ ඉබේටම සෑම දේකින්ම සාර්ථකත්වය ලබා ගනී.
සාර්ථකත්වයේ
තාරකාවන්ගේ විශේෂ ලක‍්ෂණය වන්නේ, ඔවුන්ගේ සාර්ථකත්වය ගැන ඔවුන්ට කිසිම විටෙක
අහංකාරකමක් නොතිබීමයි. ඔවුන් ඒ ගැන කතා නොකරයි, ඔවුන් තමන්ගේම වර්ණනාව ගයන්නේ නැති
අතර, ඒ වෙනුවට සාර්ථකත්වය තිබෙන තරමට ඔවුන් නිරහංකාරයි, ඔවුන්ට නිර්මාණශීලී, එමෙන්ම
පිවිතුරු සහ මෘදු ගති ස්වභාවයක් තිබෙයි. අන් අය ඔවුන්ගේ වර්ණනාව ගයන නමුත් ඔවුන්
සෑම විටම ගයන්නේ පරම පියාගේ වර්ණනාවයි. සාර්ථකත්වයේ තාරකාවන්ට කිසිම විටෙක කිසිම
ප්‍රශ්නයක් නොමැත. ඔවුන් සෑම විටෙකම තිතක ස්වරූපයේ ස්ථාවරව සිටියි, එමෙන්ම සෑම
කාර්යයකින්ම ඔවුන් අන් අයට නාටකයේ කරුණ ගැන සිහි කර දෙයි. බාධක විනාශ කරන්නන් වීමට,
ඒ අයට මඟ පාදා දී, ඔවුන්ට බලය ලබා දී, නොකඩවා ඔවුන්ගේ සාර්ථකත්වයේ ගමනාන්තය සමීපයට
ඔවුන්ව ගෙන යයි. සාර්ථකත්වයේ තාරකා, සීමිත සාර්ථකත්වයේ ලැබීම් දැක, ලැබීම් ඇති විට
බොහෝ සතුටු නොවන අතරම වෙනත් සිදුවීමක් පැන නඟින විට හෝ ලැබීම් නොමැති විටදි,
ඔවුන්ගේ සතුට පහළ යන්නේද නැත වෙනස් වෙමින් පවතින මනෝ ස්ථීතියක් ඔවුන්ට නැත. ඔවුන්
සෑම විටම අසීමිත අන්දමකින්, සාර්ථකත්වයේ පිළිරූය. ඔවුන් එක උසස් ස්ථීතියක නිරන්තරව
සහ ස්ථාවරව රැඳී සිටියි. බාහිර සිදුවීම් හෝ කාර්යයන් වලදි අන් අය බාහිර වශයෙන්
අසමත් වීම අත්දකින නමුත්, සාර්ථකත්වයේ තරු, අසමත්වීමෙන් බලපෑමට හසු වන්නේ නැත ඔවුන්
සාර්ථකත්වයට පත්වීමේ තම අනාදිමත් මනෝ ස්ථීතිය තුළින්, අසමත්වීම, සාර්ථකත්වයට
පරිවර්ථනය කරයි. සාර්ථකත්වයේ තාරකාවන්ගේ විශේෂතා මේවාය. දැන් තමන්ගෙන් විමසන්න මා
කවුද? මා නිකම්ම බලාපොරොත්තුවේ තරුවක්ද, නැත්නම් මා සාර්ථකත්වයේ ප්‍රතිමූර්තියක්ද?
බලාපොරොත්තු තිබීම හොඳයි, නමුත් බලාපොරොත්තු ඇති කෙනෙක් ලෙස පමණක් ගමන් කරමින්,
ප්‍රායෝගිකව සාර්ථකත්වය අත්නොවිඳීම, ඔබව විටෙක බලවත් කරවන නමුත් තවත් විටෙක
අධෛර්යමත් කරවයි. ඔබ මෙම චංචලත්වය බොහෝ සේ අත්දකියි. බොහෝ චංචලත්වය ඇති ඕනෑම
අවස්ථාවකදී, එවිට වෙහෙස දැනෙයි. එබැවින්, මෙහිදීද, ඔබ ඇවිදින විට සහ එහෙ මෙහෙ යන එන
විට, වෙහෙස දැනීමේ අත්දැකීම ඔබව අධෛර්යමත් කරවයි. එබැවින් බලාපොරොත්තු නොතිබීම
වෙනුවට, බලාපොරොත්තු තිබීම හොඳ නමුත්, සාර්ථකත්වයේ ප්‍රතිමූර්තියක් වීම අත්විඳින
කෙනෙක්, සෑම විටම ශ්‍රේෂ්ඨයි. අච්චා, ඔබ මන්දාකිණියේ කතාන්දරය ඇසුවාද? මන්දාකිණිය
වන්නේ මධුබාන්හි ශාලාව පමණක් නොවෙයි, නමුත් අසීමිත බ්‍රහ්මණ ලෝකයම මන්දාකිණියයි.
අච්චා.
පැමිණ ඇති සියලු
දෙනාම අළුත් දරුවන් ඔබ අළුත් මෙන්ම බොහෝ පැරණියි, මන්ද ඔබ බොහෝ කල්පයන්ගේ අයයි,
එබැවින් ඔබ බොහෝ පැරණියි. එබැවින් නාටකයේ නියමිත වී ඇති හමුවක් සැමරීමට, අළුත්
දරුවන්ගේ අළුත් උනන්දුව සහ උද්යෝගය, දැන් ඉටු වී තිබේ. ඔබට බොහෝ උද්යෝගයක් තිබුණි.
මා යා යුතුයි, මා යා යුතුයි... ඔබට බොහෝ උද්යෝගයක් තිබුණු නිසා ඔබ උපදෙස් වලට පවා
සවන් දුන්නේ නැත. ඔබ හමුවීමේ කුල්මත් බවේ මුළුමනින්ම ගැලී සිටියා. පැමිණිය යුත්තේ
මිනිසුන් ටික දෙනෙක් පමණක් බව ඔබට බොහෝ වාර ගණනක් කියා තිබුණා නමුත් කිසිවෙකු සවන්
දුන්නාද? නාටකයේ සෑම ජවනිකාවක්ම දැකීමට බාප්දාදා සතුටු වනවා, මෙතරම් දරුවන්
සංඛ්‍යාවක් පැමිණීමට තිබුණු බවත්, ඔවුන් පැමිණියේ මේ නිසා බවත්. ඔබ සියලු දෙනාටම
සෑම දෙයක්ම පහසුවෙන් ලැබී තිබෙනවා නේද? එය අපහසු නැහැ නේද? මෙයත් නාටකයට අනුව
සිදුවන පෙරහුරුවක්. ඔබ සියලු දෙනාම ඉන්නේ සතුටින්, එහෙම නේද? ඔබ අපහසු ඕනෑම දෙයක්
පහසු කරවන අය නේද? සෑම කාර්යයකදීම සහයෝගය ලබා දීම සහ ඔබට ලබා දෙන ඕනෑම උපදෙසකට
සහයෝගය දීම යනු, එය පහසු කිරීමයි. ඔබ සහයෝගී වන්නේ නම්, එවිට මෙම ශාලාවේ 5000 කට
වුවද ඉඩ ලබා ගත හැක, නමුත් ඔබ සහයෝගී නොවන්නේ නම්, එනම්, ඔබ ක්‍රමවේද අනුගමනය
නොකරන්නේ නම්, 500 කට ඉඩකඩ ලබා ගැනීම වුවද අපහසු වෙයි. එබැවින් ඔබ පිටව යාමට පෙර,
දාදීන්ට ඔබගේ වාර්තා පෙන්වන්න, සෑම කෙනෙකුගේම හදවතින් මතු වන්නේ, 5000 කට ඉඩකඩ
සැලසුනේ හරියට 500 ක් පමණක් සිටියා වැනිය. මෙය යම් අපහසු දෙයක් පහසු කිරීම ලෙස
හැඳින්වෙයි. එබැවින් ඔබ සියලු දෙනාම තමන්ගේ හොඳ වාර්තාවක් සාදා තිබෙනවා නේද? ඔබට
හොඳ සහතිකයක් ලැබෙනවා. මේ ආකාරයෙන් සෑම විටම සතුටින් රැඳී සිට අන් අයවත් සතුටට පත්
කරවන්න, එවිට ඔබ නිරන්තරයෙන් අත්පොළසන් ගසාවි. ඔබගේ වාර්තාව හොඳයි. එබැවින් බලන්න,
නාටකයට අනුව, ඔබට දෙවරක් හමුවීමට අවස්ථාව ලැබුණි. මෙය නාටකයට අනුව අළුත් අයට
ආගන්තුක සත්කාර පුද කිරීමය. අච්චා.
නිරන්තර,
ආධ්‍යාත්මික, ශ්‍රේෂ්ඨ, සාර්ථකත්වයේ තාරකාවන්ට, තම නිරන්තර ස්ථාවර මනෝ ස්ථීතියෙන්
ලෝකය බබලවන අයට, නිරතුරුවම ඥාන සූර්යයා සහ ඥාන චන්ද්‍රයා සමඟ සිටින අයට, සෑම විටම
විශ්වාසයේ කුල්මත් බව තිබෙන සහ නිරහංකාරව සිටින අයට, දේවමය මන්දාකිණියේ දිදුලන
සියලුම තාරකාවන්ට, ඥාන සූර්යයා සහ ඥාන චන්ද්‍රයා වන බාප්දාදාගෙන්, ආධ්‍යාත්මික
සෙනෙහස, සිහි කිරීම සහ නමස්කාරය.
බාප්දාදා කණ්ඩායම්
මුණ ගැසෙමින්
1) තමන් සෑම විටම
බාධක වලින් නිදහස් සහ ජයග්‍රාහි මැණික් බව ඔබ සලකනවාද? බාධක පැමිණීම හොඳයි, නමුත්
බාධක වලට ඔබව පරාජය කිරීමට ඉඩ නොදෙන්න. බාධක, ඔබව සදාකාලිකව ශක්තිමත් කිරීමට මඟක්
වනවා. බාධක, විනෝදජනක ක්‍රිඩාවක් බව සලකා ඒවා අභිබවා යන්න. මෙය බාධක වලින් නිදහස්
වී ජයගැනීම ලෙස හැඳින්වෙයි. එබැවින්, ඔබ බාධක වලට බය නැහැ නේද? ඔබට පරම පියාගේ ඇසුර
තිබෙන විට බියට පත් වීම පිළිබඳ ප්‍රශ්නයක් නැත. කෙනෙක් තනිව සිටින විට ඔහු බිය
වෙයි. කෙසේවෙතත්, ඔබත් සමඟ කෙනෙක් සිටින විට, ඔබ බිය වන්නේ නැහැ ඒ වෙලාවේ ඔබ එඩිතර
වෙයි. එබැවින් ඔබට පරම පියාගේ ඇසුර තිබෙන විට, බාධකය බිය වෙයිද, ඔබ බිය වෙයිද? සර්ව
බලධාරී ඉදිරියේ බාධක කුමක් වැනිද? කිසිවක් නැත! මේ නිසයි බාධක ක්‍රිඩාවක් මෙන්
වන්නේ ඒවා කිසිම අපහසු දෙයක් නොවෙයි. බාධක ඔබට අත්දැකීම් ලබා දී ඔබව ශක්තිමත්
කරවයි. නිරතුරුවම පරම පියාගේ සිහි කිරීමේ නියැලී සිටින අය සහ සේවයේ කාර්යබහුලව
සිටින අය, බාධක වලින් නිදහස්ව සිටියි. ඔබගේ බුද්ධිය කාර්යබහුල නොමැති නම්, එවිට
බාධක මෙන්ම මායාද පැමිණෙයි. ඔබ කාර්යබහුලව සිටින්නේ නම්, එවිට මායා පසෙකට වෙයි. ඇය
නොපැමිණෙයි, ඇය ඉවත්ව යයි. ඔබ ඇගේ සහකරු නොවන බවත් ඔබ දැන් පරමාත්ම දෙවියන්ගේ සහකරු
බවත් මායාද දන්නවා. එබැවින් ඇය එවිට පසෙකට පියවර තබයි. ඔබ අනේක වාරයක් ජය ලබා තිබේ,
එබැවින් ඔබ ජයග්‍රහණය කිරීම ලොකු දෙයක් නොවෙයි. බොහෝ වාර ගණනාවක් සිදු කර ඇති
කාර්යයක්, පහසු බව ඔබට දැනෙයි. එබැවින් ඔබ බොහෝ වාර ගණනාවක් ජයග්‍රාහීය. ඔබ
නිරන්තරයෙන් සතුටින් සිටින අයයි, එහෙම නේද? මව්වරුන්, ඔබ සෑම විටම සතුටින්
සිටිනවාද? ඔබ කිසි විටෙක අඬනවාද? ඔබට යම් සිදුවීමකට මුහුණ දීමට වුණොත්, ඔබ අඬනවාද?
ඔබ එඩිතරයි. පාණ්ඩවයන්, ඔබ මනසින් අඬන්නේ නැහැ නේද? ’මෙය සිදු වුණේ ඇයි? කුමක්ද
සිදුවුණේ?’ ඔබ මේ ආකාරයෙන් අඬන්නේ නැහැ නේද? පියාට අයිති වීමෙන් පසුවත් ඔබ
නිරන්තරයෙන් සතුටින් නැත්නම්, ඔබ සතුටින් ඉන්නේ කවදාද? පරම පියාට අයිති වීම යනු,
නිරතුරුවම සතුටින් සිටීමයි. ඔබට දුක නොමැති අතර ඔබ දුකින් අඬන්නේද නැහැ. ඔබගේ සියලු
දුක් ඉවත් කර තිබේ. එබැවින් සෑම විටම ඔබගේ මේ ආශිර්වාදය සිහියේ තබාගන්න. අච්චා.
2) ඔබ මෙම
ආධ්‍යාත්මික උයනේ ආධ්‍යාත්මික රෝස මල් බව ඔබ සලකනවාද? සියලුම මල් අතරින් ඒවායේ සුවඳ
නිසා, වැඩියෙන්ම ආදරය කෙරෙන්නේ රෝස මල් වලටයි. ඉතිං, ඒවා රෝස මල් වන අතර ඔබ සියලු
දෙනාම ආධ්‍යාත්මික රෝස මල්ය. ආධ්‍යාත්මික රෝස මලක් යනු, සෑම විටම ආධ්‍යාත්මික සුවඳ
ඇති කෙනෙකි. ඔය ආධ්‍යාත්මික රෝස මල් කොහේ බැලුවත්, ඔබ කවුරුන් දුටුවත්, ඔබ දකින්නේ
ජීවාත්මය පමණයි, ඔබ සිරුර දෙස බලන්නේවත් නැහැ. ඔබම සෑම විටම ආධ්‍යාත්මික ස්ථීතියක
සිටින අතර ඔබ සෑම විටම බලන්නේ අන් අයගේ ජීවාත්මය දෙසයි. මෙය, ආධ්‍යාත්මික රෝස මලක්
වීම ලෙස හැඳින්වෙයි. මෙය පරම පියාගේ උද්‍යානයයි. පියා උසස්ම උසස් වන සේම,
උද්‍යානයත් උසස්ම උසස් වන අතර මෙම උයනේ විශේෂ සැරසිල්ල වන්නේ ඔය සියලුම ආධ්‍යාත්මික
රෝස මල්ය. මෙම ආධ්‍යාත්මික සුගන්ධය බොහෝ ජීවාත්මයන්ට සෙතක් සලසයි.
වර්තමාන ලෝකයේ සියලු
කරදර වලට හේතුව වන්නේ, ඔවුන් එකිනෙකාව ජීවාත්ම ලෙස නොදැකීමයි. සියලුම ප්‍රශ්න ඇති
වන්නේ ශරීර අවධානය නිසාය. ඔවුන් ජීව අවධානයට පත් වන්නේ නම් සියලුම ප්‍රශ්න අවසන්
වෙයි. ඔය ආධ්‍යාත්මික රෝස මල්, ලෝකයේ ආධ්‍යාත්මික සුගන්ධය පැතිරීමට උපකරණයි. ඔබට
මෙම කුල්මත් බව සෑම විටෙකම තිබෙනවාද? එක මොහොතක එක දෙයක්ද, ඊලඟ මොහොතේ තවත් දෙයක්ද
නොව නිරන්තරයෙන් ස්ථාවර ස්ථීතියක් තිබීමේදි, බලයක් තිබේ. ඔබගේ මනෝ ස්ථීතිය විටින්
විට වෙනස් වන විට, ඔබගේ බලය අඩුවෙයි. නිරන්තරයෙන් පරම පියාගේ සිහි කිරීමේ රැඳී සිට,
සේවය කිරීමේ මඟක් ඇති ඕනෑම විටෙක, එම අවස්ථාව ගෙන නොකඩවා ඉදිරියට ගමන් කරන්න. තමන්
පරමාත්ම දෙවියන්ගේ උයනේ ආධ්‍යාත්මික රෝස මල් බව සලකා, නොකඩවා ආධ්‍යාත්මික සුවඳ
විහිදුවන්න. සියලු දෙනාටම අවශ්‍ය වන්නේ එවන් මිහිරි ආධ්‍යාත්මික සුගන්ධයකි. මෙම
ආධ්‍යාත්මික සුවඳ බොහෝ ජීවාත්මයන්ට යහපතක් සලසන අතරම තමන්ටත් යහපතක් සැලසෙයි. ඔබ
මෙම ආධ්‍යාත්මික සුගන්ධය කෙතරම් ප්‍රමාණයක් සහ කෙතරම් දුරකට විහිදුවා හරින්නේද
කියා, බාප්දාදා නොකඩවා බලයි. ශරීර අවධානය ඉතා සුළු ප්‍රමාණයකින් හෝ එයට මිශ්‍ර
වන්නේ නම්, එම මුල් ආධ්‍යාත්මික සුවඳ නොමැති වෙයි. මෙම ආධ්‍යාත්මික සුගන්ධයෙන් සෑම
විටම අඛණ්ඩව අන් අයව සුවඳවත් කරවන්න. ඔබ සෑම විටම නොසැලී සිටිනවාද? කිසිම කැලඹීමක්
ඔබව චංචල කරවන්නේ නැහැ නේද? යමක් සිදුවන විට හෝ ඔබ යමක් අසන්නේ හෝ දකින්නේ නම්, ඔබ
කැලඹීමට පත් වන්නේ නැහැ නේද? එය අළුත් දෙයක් නොවන බැවින්, ඔබ චංචල වන්නේ කුමටද? එය
යම් අළුත් දෙයක් නම් චංචල වීම ඇති වෙයි. මේ සියලුම ’ඇයි? කුමක්ද?’, බොහෝ කල්ප
ගණනාවක් සිදුවී ඇති අතර, මෙය, නාටකයේ නියම වී ඇති බවට, විශ්වාසය ඇති බුද්ධියක්
තිබීම ලෙස හැඳින්වෙයි. ඔබ සර්ව බලධාරියාගේ සහකරුවන්ය, එබැවින් ඔබ සැහැල්ලු
අධිරාජවරුන්ය. ඔබගේ සියලු කණස්සළු ඔබ පරම පියාට භාරකර ඇති නිසා ඔබ සදාකාලිකව
සැහැල්ලු අධිරාජවරුන් වී ඇත. සෑම විටම ආධ්‍යාත්මික සුවඳ විහිදුවන්න, එවිට සියලුම
බාධක අවසන් වෙයි. අච්චා.
වරදානය:
ඔබ සියලු
දෙනාටම සුබ පතන්නෙක් වී, තමන් වෙනුවෙන්ද ධනාත්මක සිතිවිලි ඇති කර ඒ අනුව හෙළිදරව්වේ
කාලය සමීපයට ගෙන එන්න.
සේවයේ සාර්ථකත්වයේ
පදනම වන්නේ, සුබ පැතීමේ ආකල්පයක් තිබීමයි, මන්ද ඔබගේ මෙම ආකල්පය, අන් අය තුළ ධාරණය
කරගැනීමේ සහ තව සොයා ගැනීමේ බලය වැඩි කරයි. මේ මගින්, වචන වලින් කරන සේවය පහසුවෙන්
සාර්ථක වෙයි. තමන් වෙනුවෙන් ධනාත්මක සිතිවිලි ඇති ජීවාත්මයක්, සෑම විටම මායාට
ඔරොත්තු දෙන අතර අන් අයගේ දුර්වලතා ධාරණය කරගැනීමට ප්‍රතිශක්තියක් දක්වන අතර කිසිදු
පුද්ගලයෙකුට හෝ භාණ්ඩයකට ආකර්ෂණය වීමටද ප්‍රතිශක්තියක් පෙන්වයි. ඔබ මෙම ආශිර්වාද
දෙකම ඔබගේ ප්‍රායෝගික ජීවිතයට එකතු කර ගත් විට, හෙළිදරව්වේ කාලය පැමිණෙයි.
පාඨය:
ඔබගේ සිතිවිලි
පවා කැප කරන්න, එවිට සියලු දුර්වලතා ඉබේම ඉවත්ව යයි.