29.12.2014
एक रोयल बच्चाको सृष्टिका रचयितासँग कुराकानी
पहिलो स्मृति
आँखा खुल्ने बित्तिकै संकल्प गरौं— म आत्मा हुँ ।
म यस बसुन्धरालाई प्रकाशमय बनाउनका लागि मधुर
प्रकाशको घरबाट अवतरित भएकी छु ।
म को हुँ ?
म एक रोयल बच्चा हुँ । म पवित्रताको स्मृतिको तिलक,
विश्व कल्याणको जिम्मेवारीको ताज, अनि बापदादाको
दिलतख्तको स्मृतिलाई याद गरिरहेको छु ।
म कसको हुँ ?
आत्माको बाबासँग कुराकानीः
मीठे बाबा— गुड मर्निङ्ग । म हजुरसँग एक गहिरो
सम्बन्धको अनुभव गरिरहेको छु । बाबा ! हजुरको
बच्चा हुनाले मेरो लागि कुनै पनि वस्तु अप्राप्त
छैन ।
बाबाको आत्मासँग कुराकानीः
मीठे बच्चे ! उठ ! मसँगै बस । यही त्यो सम्पूर्ण
प्राप्तिहरुको जीवन हो, जुन तिमीलाई विश्व
रचयिताको ईश्वरीय परिवारको सदस्य बनेपछि मिल्छ ।
याद गर– म को हुँ ? आफूलाई यस विस्मृतिको खेल
मुक्त गर । तिमीले आफूलाई आफ्नो निजी स्वरुपमा
ल्याऊ, अनि अधिकारी आत्मा बन ।
बाबाद्वारा प्रेरणाः
आफ्नो मनलाई सबै कुराबाट हटाएर बाबामा लगाऊ । बाबा
हुनुहुन्छ शान्तिका सागर । यस शान्तिमा मैले
बाबाबाट प्रेरणायुक्त एवं पवित्र सेवाको संकल्प
लिइरहेको छु ।
बाबाद्वारा वरदानः
सूक्ष्म वतनमा मीठा बाबाका सामुन्ने मेरो फरिस्ता
स्वरुप स्पष्ट देखिइरहेको छ । बडो प्यार र
शक्तिशाली दृष्टिद्वारा बाबाले मलाई बरदान
दिइरहनुभएको छ—
तिमी त्यो आत्मा हौ, जसबाट
खुशीको अविनाशी खजाना मिलिरहेको छ । तिम्रो किन को
गीत अब समाप्त भइसकेको छ, हरेक दिन “वाह मेरा बाबा”
र “वाह मेरो मीठो परिवार” को यो गीत गाइरहेका छौ ।
बेहदको सूक्ष्म सेवाः (आखिरी पन्द्र मिनेट)
बाबाद्वारा प्राप्त यस वरदानलाई आफ्नो शुभ
संकल्पद्वारा, वरदाता बनेर, मैले पूरा विश्वलाई
दान दिइरहेको छु । आफ्नो फरिस्ता पोशाक पहिरिएर म
विश्व भ्रमण गर्दै सबै आत्माहरुलाई यो वरदान
दिइरहेको छु ।
राती सुत्नु भन्दा पहिला
आवाजको दुनियाँ भन्दा पर गएर आफ्नो अवस्थालाई
स्थिर बनाऔं । चेक गरौं— आज मैले दिन भरमा कुनै
कुराको अवज्ञा त गरिन ? यदि गरेको भए बाबालाई बताऔं
। कसैको मोह या आकर्षणमा बुद्धि त फँसेन ? आफ्नो
कर्मको चार्ट बनाऔं । ३० मिनेटको योगद्वारा कुनै
पनि गलत कर्मको प्रभावबाट स्वयम्लाई मुक्त गरौं ।
आफ्नो दिललाई सफा र हलुङ्गो बनाएर सुतौं ।