30-12-2014 Nepali
एक भाग्यवान सिताराको मीठा बाबासँग कुराकानी
पहिलो स्मृति
आँखा खुल्ने बित्तिकै संकल्प गरौं— म आत्मा हुँ ।
म यस बसुन्धरालाई प्रकाशमय बनाउनका लागि मधुर
प्रकाशको घरबाट अवतरित भएको छु ।
म को हुँ ?
म एक लक्की सितारा हुँ । भगवान स्वयं मेरो गुणगान
गर्नुहुन्छ । म सम्पूर्ण विश्वलाई प्रकाशित गर्नको
लागि एक चम्किलो ध्रुब तारा बनेको छु ।
म कसको हुँ ?
आत्माको बाबासँग कुराकानीः
मीठे बाबा— गुड मर्निङ्ग । बाबा ! हजुरको सानिध्यमा
म अतीन्द्रिय सुखको अनुभव गरिरहेको छु । हजुरको
साथमा म टिमटिएको सिताराको चमक बढ्दै गइरहेको छ ।
म एक लक्की सितारा बन्दै गइरहेको छु ।
बाबाको आत्मासँग कुराकानीः
मीठे बच्चे ! उठ ! मसँगै बस । लक्की सितारा बन्ने
खुशीको अनुभवले तिम्रो सारा दुःख दूर भइरहेको छ ।
अमृतबेला तिमी आफूले आफ्नो दिलको ऐनामा हेर । यस
समय आफूलाई चमकदार भाग्य र भविश्यको उँचा उडानलाई
बारम्बार यस ऐनामा हेर ।
बाबाद्वारा प्रेरणाः
आफ्नो मनलाई सबै कुराबाट हटाएर बाबामा लगाऊ । बाबा
हुनुहुन्छ शान्तिका सागर । यस शान्तिमा मैले
बाबाबाट प्रेरणायुक्त एवं पवित्र सेवाको संकल्प
लिइरहेको छु ।
बाबाद्वारा वरदानः
सूक्ष्म वतनमा मीठा बाबाका सामुन्ने मेरो फरिस्ता
स्वरुप स्पष्ट देखिइरहेको छ । बडो प्यार र
शक्तिशाली दृष्टिद्वारा बाबाले मलाई बरदान
दिइरहनुभएको छ—
तिम्रो सच्चा
दिलदेखि गरिएको सेवाको चमक परमात्म प्यारद्वारा अति
उज्ज्वल हुँदै गइरहेको छ । यसै पवित्रताको कारण
तिमी कर्महरुको आकर्षण र बन्धनबाट पर गएर, विश्व
मंचमा चमत्कार देखाइरहेका छौ ।
बेहदको सूक्ष्म सेवाः (आखिरी पन्द्र मिनेट)
बाबाद्वारा प्राप्त यस वरदानलाई आफ्नो शुभ
संकल्पद्वारा, वरदाता बनेर, मैले पूरा विश्वलाई
दान दिइरहेको छु । आफ्नो फरिस्ता पोशाक पहिरिएर म
विश्व भ्रमण गर्दै सबै आत्माहरुलाई यो वरदान
दिइरहेको छु ।
राती सुत्नु भन्दा पहिला
आवाजको दुनियाँ भन्दा पर गएर आफ्नो अवस्थालाई
स्थिर बनाऔं । चेक गरौं— आज मैले दिन भरमा कुनै
कुराको अवज्ञा त गरिन ? यदि गरेको भए बाबालाई बताऔं
। कसैको मोह या आकर्षणमा बुद्धि त फँसेन ? आफ्नो
कर्मको चार्ट बनाऔं । ३० मिनेटको योगद्वारा कुनै
पनि गलत कर्मको प्रभावबाट स्वयम्लाई मुक्त गरौं ।
आफ्नो दिललाई सफा र हलुङ्गो बनाएर सुतौं ।